Sanctuary Runners
Tionscnamh Rith Páirce Mol Idirthurais Iarthar na Cathrach
Tá clár seachtainiúil Rith Páirce tugtha isteach ag Baile Átha Cliath Theas Gníomhach, i gcomhar le Cathracha Gníomhacha, an FSS, Sanctuary Runners, agus Park Run, chun tacú le cónaitheoirí Mhol Idirthurais Iarthar na Cathrach. Tá rochtain theoranta ag go leor cónaitheoirí ón ionad Cóiríochta um Chosaint Idirnáisiúnta ar spásanna gníomhaíochta coirp. Chun aghaidh a thabhairt air seo, cuirtear iompar ar fáil lena chinntiú gur féidir leo páirt a ghlacadh i Rith Páirce Ghleann na Dothra.
Go dtí seo, tá breis is 250 cónaitheoir tar éis páirt a ghlacadh sa tionscnamh seo, ag baint tairbhe as deiseanna méadaithe do ghníomhaíocht choirp agus deis teagmháil a dhéanamh leis an bpobal áitiúil. Cuireann an clár comhtháthú chun cinn freisin trí spás fáilteach a chruthú inar féidir le cónaitheoirí agus le muintir na háite a bheith ag plé lena chéile.
Úsáideann Sanctuary Runners, príomhpháirtí sa chlár seo, rith agus siúl mar bhealach chun daoine a thabhairt le chéile i ndlúthpháirtíocht, trí chairdeas agus le meas ar a chéile. Cothaíonn a gcuid oibre timpeallacht ionchuimsitheach inar féidir le hiarrthóirí tearmainn, teifigh agus muintir na háite eispéiris a roinnt agus naisc a chruthú. Chun tuilleadh eolais a fháil faoi Sanctuary Runners, tabhair cuairt ar a suíomh gréasáin ag www.sanctuaryrunners.ie.